İran Ukraina oçqıçın bärep töşermäwen belderä

İran xökümäte başqala Tähranda qazağa oçrağan yulçı oçqıçınıñ raketa belän bärep töşerelüe turındağı süzlärneñ yalğan buluın belderde. İlneñ transport häm şähärçelek ministrlığınıñ mäğ’lümat häm êlemtä üzäge citäkçese Qasıym Biniyaz äytüençä, Ukraina hawa yullarınıñ Boingı motorda çıqqan yanğın säbäple hälakätkä oçrıy. “Oçqıç raketa belän bärep töşerelsä, hawada şartlar ide. Qaza motornı ut çolğap aluı häm oçuçınıñ kontrol’ne täêmin itüdä uñışsızlıqqa oçrawı arqasında buldı,”-dide ul.

İran aşığıç yärdäm oyışması räise Pir Xösäyen Kulivend oçqıçtağı keşelärneñ 147seneñ İran watandaşı buluın belderde.

Oçqıçnıñ qara tartması tabılğan häm iminlek köçlärenä tapşırılğan.