"Amerikalılar öçen tarixi mäşxär bulaçaq"

Tähran idaräse general Söläymaninıñ üleme öçen üç alu niyätennän 13 sśenariy xäzerlägän. Bu xaqta İran milli qurqınıçsızlıq yuğarı şurası ğomum särqatibe Ali Şämxani belderde. “Xätta iñ ğadi sśenariynı tormışqa aşırsaq ta amerikalılar öçen tarixi mäşxär bulaçaq,”-di ul.

Şemxani älege sśenariylarnıñ êçtälege turında mäğ’lümat birmi. Ul İran liderı Ali Xamaneynıñ “Barlıq qarşılıq kürsätü köçläre Söläymani öçen üç alaçaq” digän süzlären xäterlätep bulaçaq cawapnıñ ber höcüm belän genä çiklänmäyäçägen äytä.

Şämxani regionda AQŞ xärbiläreneñ patrul’lären kimetep bazalarına çigenüen alğa sörä.    

“Regionda 19 AQŞ bazası bar. 11e könçığış häm könbatış çiklärebezgä yaqın. Tön’yaq häm kön’yağıbızdağı 8 baza xäwef xälendä. Andağı xärbilär häm qorallar turında mäğ’lümatıbız bar. Keçkenä genä xäräkätlären dä küzätep barabız,”-di ul.