Söläymaninıñ cenaza cıyını berniçä kön däwam itäçäk

Anı tuğan cirendä cirläyäçäklär

1334777
Söläymaninıñ cenaza cıyını berniçä kön däwam itäçäk

AQŞ tarafınnan üterelgän İran komandirı Qasıym Söläymani häm tağın 7 keşe öçen cenaza Ğıyraq başqalası Bağdadta oyıştırıldı. Xuşlaşu İmam Kazım törbäsendä ütte. Meñnärçä keşe märxümnärne soñğı yulğa ozatu öçen şähär üzägenä ağıldı.

Törbädä uzğan çaradan soñ cenazalarnı Xörriyät mäydanına ilttelär. Keşe küp bulu säbäple konvoynıñ xäräkäte säğat’lär buyı däwam itte.

Cenazada wazıyfasınnan kitkän Ğıyraq xökümäte räise Adil Abdulmäxdi, ğıyraqlı deputatlar häm şiğıy din ähelläre qatnaştı.

Bağdadtan soñ märxümnärneñ gäwdälären Kärbäla şähärenä ilttelär. Anda tağın 2 törbädä cenaza uzdı. Şunnan soñ konvoy Näcäf şähärenä yul tottı. Anda Äbu Mäxdi Äl Müxändis cirlände.

Qasıym Söläymaninıñ gäwdäsen İranğa alıp kittelär. Anıñ cenazası anda berniçä şähärdä zurlap uzdırılğannan soñ sişämbe könne tuğan yağı Kirmanda cirlänäçäk.

İranda Kum şähärendä tarixi Cämkäran mäçeteneñ gömbäzenä üç alu simvolı - qızıl bayraq êlende.



Bäyläneşle xäbärlär