"Ğıyraqtan tizräk kitegez"

Kanada üz watandaşların Ğıyraqtan kitärgä çaqırdı. Tışqı êşlär ministrlığı älege ilgä säyäxät itüdän baş tartırğa, anda buluçılarğa tiz arada qaytırğa kiñäş itä. Belderüdä bolay diyelgän: “Üsgärep toruçı, aldan bilgeläp bulmawçı häm potanśial’ bularaq xäwefle wäzğıyät’ säbäple Ğıyraqqa barudan tayçınığız. Ğıyraqta bulsağız, qurqınıçsız kürengän yullar belän älege ildän kitegez”.

Belderüdä Yaqın Könçığışta kiyerenkelekneñ torğan sayın artuına borçılu assızıqlana.

Cirle matbuğatta urın alğan xäbärlärdä NATOnıñ Ğıyraqtağı öyrätü programmaların waqıtlıça tuqtatuınnan soñ anda belem birgän 850 kanadalı poliśiyä xezmätkäre häm xärbiyeneñ ilgä qaytaçağın yazalar.