Törmädä ğawğa 16 mäxkümneñ üleme belän tögällände

Alar üzara utlı qoral häm pıçaq belän suğışa

1333302
Törmädä ğawğa 16 mäxkümneñ üleme belän tögällände

Meksikada ber törmädä çıqqan ğawğada 16 mäxküm ülde. İl matbuğatında çıqqan xäbärlärgä qarağanda, Senegil’ törmäsendä utıruçılar utlı qoral, pıçaq häm başqa qatı cisemnär belän ber-bersenä höcüm itä. Wäzğıyät’ yaqınça 3 säğat’tän soñ kontrol’ astına alına. Ğawğada iminlek köçläre arasınnan ülüçe yäisä yaralanuçı yuq.

Töbäktäge qurqınıçsızlıq öçen cawaplı İsmael Kamberos Êrnandes beldergänçä, törmädä moña qadär bulğan tikşerülärdä bernindi qoral da tabılmağan. Ğawğadan soñ isä tentü waqıtında 4 qoral, 9 kesä telefonı, 17 pıçaq häm narkotik matdälär qulğa töşerelä. Êrnandes älege äyberlärneñ küreşergä kilüçelär tarafınnan birelgän buluına iğ’tibarnı cälep itä.



Bäyläneşle xäbärlär