Hindındanda bäbi ülemnäre

Hindıstannıñ Radjastxan vilayätendäge ber xastaxanädä dekabr’ ayında 100 bäbi yaqtı dönyadan kitkän.

Cirle matbuğattağı xäbärlärgä kürä, älege vilayät’ başqalası Djaypurdağı Kota xastaxänäse räsmi zatları dekabr’neñ soñğı 2 könendä 9 bäbineñ ülüen beldergän.  

Xastaxanä citäkçese doktor Sureş Dulara soñğı ülem oçraqları belän bergä dekabr’ ayında ülgän bäbi sanınıñ 100 gä citüen äytkän.

Xakimiyättäge “Hindıstan xalıq” partiyäse äğ’zalarınnan torğan wäkillek uzğan könnärdä xastaxanädä tikşerü ütkärgän, ber keşelek urında 2-3 bäbi yatuın , citärlek sanda şäfqät’ tutaşı bulmawın citkergän.

Balalar xoquqların saqlaw milli komissiyäse dä 23-24 dekabr’ könnärendä 10 bäbineñ üleme belän iğ’tibarnı cälep itkän xastaxanä baqçasında duñğızlar yörüen beldergän bulğan.

Vilayät’ citäkçelege xataxanädäge barlıq cihazlarnıñ funkśional torışın tikşerü  boyırığı birgän.