Zimbabveğa açlıq yanıy

Kön’yaq Afrika ile Zimbabveda xalıqnıñ yartısınnan kübräge açlıqtan integä.

Bu xaqta Berläşkän Millätlär Oyışması Bötendönya azıq-tölek programmasınıñ Zimbabve direktorı urınbasarı Niels Balzer beldergän.

Balzer 14 million xalqı bulğan ildä açlıq problemasınıñ qorılıq belän bäyle buluın, monı xäl itü öçen êşkä kereşülären citkergän.

BMOnıñ Bötendönya azıq-tölek programması qorılıq häm iq’isadi problema arqasında açlıq krizisı küzätelüçe Zimbabveda 4 million 100 meñ keşegä azıq-tölek yärdäme ireşteräçäklären beldergän ide.

İldä awıl cirlärendä 5 million 500 meñ keşe azıq-tölek iminlegenä iyä bulmağanda ,şähärlärdä isä 2 million 200 meñ keşe citärlek däräcädä su häm azıq-tölekkä ireşä almıy.

Êlektr häm su bilgele ber säğät’lärdä çiratlaştırıp birelgän ildä iq’tisadi krizisqa kitergän giperinflyaśiya arqasında xalıq azıq-tölek satıp aluda qıyınlıqlar kiçerä.