Somalidağı höcümne äş-Şäbab üz östenä aldı

Somalinıñ başqalası Mogadişudağı bombalı höcümne äş-Şäbab terrorçı oyışması üz östenä aldı. Oyışmanıñ “Somali Mimo” isemle säxifäsendä urın alğan häm Şäbab süzçeseneke buluı belderelgän audioyazmada bu xaqta äytelä.

Mogadişuda şimbä könne bulğan bombalı höcümdä 81 keşeneñ ğomere özelde. Aralarında 2 törek watandaşı da bar.    

Törkiyä sälamätlek saqlaw ministrlığı höcümnän soñ yaralanuçılarnıñ ternäklänüenä yardam itü maqsatı belän xäräkät itte. Bu nisbättän milli mediśina qotqaru törkeme häm xirurglardan toruçı 20 keşelek törkem Somaligä cibärelde.

Şartlawda ğomere özelgän 2 törek watandaşı belän 16 somalilı Törkiyägä kiterelde.