Urlanğan diñgezçelärne qotqardılar
Alarnı ay başında piratlar alıp kitkän ide
Dekabr’ ayı başında Nigeriyä sulıqlarında neft’ tankerı piratlarnıñ höcümenä duçar bulğannan soñ 19 keşelek êkipaj urlanğan ide. Alarnıñ berse törek diñgezçese. Tanker êkipajın qotqardılar.
Bu xaqta Greśiyä yök taşu şirkäte Navios Tanker Menedjment belderü yasadı. Anda äytelgänçä, urlanğan diñgezçelärne irekkä cibärdelär. Alarğa qurqınıç yanamıy. Diñgezçelärneñ sälamätleklären kontrol’ itkännär. Belderüdä barısınıñ da psixik häm fizik yaqtan yaxşı xäldä buluı, tizdän öylärenä qaytaçaqları äytelä.
Şirkät idaräse aqça taläp itü öçen urlanğan êkipajnıñ niçek qotqarıluı turında mäğ’lümat birmäde.
Tanker Nigeriyäneñ Gvineya qultığındağı Bonni utrawı tiräsendä 3nçe dekabr’dä höcümgä duçar bulğan ide. Urlanğan 19 keşelek êkipajdağılarnıñ berse - törek, 18e - hind millätennän. Älege cirlektä aqça taläp itü öçen keşe urlaw oçraqları yış bula.
Bäyläneşle xäbärlär
Qoyaştağı şartlaw täêsire Cirgä kilep citte
Qoyaşta 8 oktyabr’dä bulğan şartlawnıñ täêsire bügen häm irtägä Cirdä sizeläçäk
