Mäğarädä 3 student ülde

İndoneziyäneñ Könbatış Yava töbägendä mäğarädän çığa almağan 3 universitet studentı ülgän.

Kompos gazetınıñ xäbärenä qarağanda, yäş’lär kiçä tabiğat’ saqlawçılar oyışması uzdırğan çarada qatnaşa. Alar bergäläp mäğarägä kerälär, ämma 3 student köçle yañğır säbäple annan çığa almıy.

Wäqalätlelär äytüençä, mäğaräneñ kerü urını tar häm yäş’lärneñ annan yıraq noqtada qaluı säbäple êzläw êşçänlegen tönlä yaxşılap alıp bara almıylar. Bügen irtän isä 3 studentnıñ üle gäwdäsen tabalar. Berençel tikşerenülärgä qarağanda, alar kislorod citmäw arqasında ülgän. Studentlarnıñ mäyetlären êkspertiza öçen xastaxanägä ilttelär.