Franśiyädä rizasızlıq çaraları däwam itäçäk
Xökümät pensiyä reforması mäs'äläsendä kire çigenmäyäçägen belderde
1326709
Franśiyäneñ iñ ähämiyätle hönärçe berlege Ğomum êş konfederaśiyäse 9nçı ğıynvarda qabat uramğa çığarğa çaqırdı. Anıñ citäkçese Filipp Martinez pensiyä reforması mäs’äläsendä xökümät belän äle xaman kileşügä kilä almawların belderde. Ul ministrlar kabinetında hönäri berlek wäkilläre häm xökümät räise Êduard Filipp belän ütkärelgän cıyılışta qatnaştı.
Martinez äytüençä, xökümät uramnardağı waqıyğalarğa bitaraf qaldı.
İlbaşı Êmmanuêl Makron idaräse pensiyä reformasınnan baş tartmayacağın belderä, hönäri berleklär plannan kire qaytuların taläp itä.
Anketalarğa qarağanda, franśuzlarnıñ 57%ı älege reformağa qarşı.