"Qudüstä tawış birü bulmasa, saylaw uzmayaçaq"

Fälästin däwlät başlığı Mäxmüt Abbas bulaçaq saylawlar xaqında belderü yasadı

1325904
"Qudüstä tawış birü bulmasa, saylaw uzmayaçaq"

İzrail Qudüstäge fälästinlelär yäşi torğan cirlärdä tawış birüne röxsät itmäsä, saylaw uzmayaçaq.  Fälästin däwlät başlığı Mäxmüt Abbas şulay dip belderde. Ul Yordannıñ Könbatış üzänlegendä oyıştırılğan Fetih xäräkäte inqıylab şurası cıyılışınıñ açılışında çığış yasadı. “Saylawlar ütkärü mäs’äläsendä bez citdi häm moña ışanabız. 2006nçı yıldan birle saylaw uzmawı arqasında saylaw ütkärü kiräk, ämma niçek bulsa, şulay tügel,”-dide Abbas. Ul Yordannıñ Könbatış yarı, Ğazzä häm Qudüstä tawış birü kiräklegen assızıqladı.

“Başınnan birle Qudüs xalqı şähärlärendä tawış birmäsä, saylawlarnıñ uzmayaçağın äyttem. Berkem bezgä basım yasıy almas häm basımnarnı qabul itmäyäçäkbez,”-di Fälästin liderı.

İzrail 1996nçı yıldağı şikelle ük 2005nçe häm 2006nçı yılda uzğan Fälästin saylawlarında, xalıqara basım säbäple, Qudüstäge fälästinlelärneñ tawış birüenä yul quyğan ide.



Bäyläneşle xäbärlär