Rizasızlıq çaralarında qatnaşuçılar yuqqa çıqtı

Ğıyraqta xökümätkä qarşı rizasızlıq çaralarında 48 keşe yuqqa çıqtı. Bu xaqta ilneñ Yuğarı bäysez keşe xoquqları komissariatı äğ’zası Ali Bäyyati belderde.

“Komissariat älegä qadär çaralarda qatnaşuçılarnıñ 48eneñ yuğaluı yäisä urlanuı turında şiqayät’ aldı,”-dide ul.

Bäyyati aktivist häm protestçılarnıñ suğa töşkändäy yuq buluınıñ borçuğa saluın belderde. Anıñ äytüençä, cinayät’çel törkemnär xatın-qızlarnı da kertep bik küp grajdanlını sistematik bularaq maqsat itep ala.

Bäyyati yuğalğan keşelär öçen xökümätneñ cawaplı buluın äytä. Ul bu mäs’älädä citdi tikşerü ütkärergä, başqaruçılarnı tabırğa häm mäxkämägä tapşırırğa çaqırdı.  

Ğıyraq yuğarı bäysez keşe xoquqları komissarlığınıñ 4nçe dekabr’dä yasağan belderüenä qarağanda, ildä êşsezlek, rişwätçelek häm däwlät xezmätläreneñ kürsätelmäwenä rizasızlıq maqsatınnan 1nçe oktyabr’dä başlanğan çaralarda kimendä 460 keşe ülde, 19 meñe yaralandı.

Başqala Bağdad häm ilneñ üzäk, kön’yaq töbäklärendä protestlar däwam itä.

Ğıyraq xökümäte räise Adil Abdulmäxdi xökümätkä qarşı çaralar säbäple 29nçı noyabr’dä wazıyfasınnan kitte.