AQŞ Soğud Ğaräbstanı xärbilären öyrätüne tuqtattı

6nçı dekabr'dä bulğan waqıyğadan soñ çit il xärbilären ênä küzlegennän ütkärälär

1321688
AQŞ Soğud Ğaräbstanı xärbilären öyrätüne tuqtattı

AQŞ saqlanu ministrlığı üzeneñ törle bazalarında öyränü uzuçı Soğud Ğaräbstanı xärbiläreneñ däreslären tuqtattı. Älege mäs’älä belän bäyle Pentagonnan yasalğan belderüdä äytelgänçä, Pensakola xärbi-hawa bazasında soğudlı ber oçuçı 6nçı dekabr’dä höcüm oyıştırğannan soñ ildä öyränü uzuçı çit il xärbiläre tikşereläçäk.

AQŞ bazalarında tulayım 300 Soğud Ğaräbstanı oçuçısı öyränü uza.

16 meñnän artıq xärbi häm 7 meñ 400 grajdanlı xezmätkär êşläwçe Pensakola bazasında uzğan comğada 21 yäş’lek leytenant Möxämmät Şamran keşelärgä ut açtı. Waqıyğada 3 keşeneñ ğomere özelde, 8e yaralandı. Höcümçe isä iminlek köçläre belän bäreleştä üle kileş qulğa töşerelde. Ul älege ğamälennän alda Twitter bitendä AQŞnı İzrailne yaqlawda häm möselmannarğa qarşı buluda ğayepli. FBR waqıyğanı terrorçılıq aktı farazı nigezendä tikşerä başladı.



Bäyläneşle xäbärlär