Başta -Ayğa, annarı Marsqa oçabız

NASA Ayğa keşele säfärlär yasaw öçen yaña platforma tözede

Başta -Ayğa, annarı Marsqa oçabız

AQŞ aviaśiyä häm ğaläm agentlığı NASA Ayğa qabat keşele oçışlar yasawnı maqsat itep quyğan “Artemis” missiyäsendä qullanılaçaq raketa platformasın jurnalistlarğa tanıttı. Qaläm iyälären Yaña Orlean şähärendäge Mixud montaj ob’yektına çaqırdılar. Orion ğaläm korabın oçırtaçaq sıyıq yağulıqlı platformanı NASA direktorı Djim Bridenstayn täq’dim itte.  

 Bu - NASAnıñ 1960nçı yıllarda Ayğa täwge tapqır ayaq basuın täêmin itkän Apollo programmasınnan birle tözelgän iñ zur oçırtu platforması. Anıñ ozınlığı 65 metr.   

Raketa oçırtuçı platforma qayber sınawlardan soñ täwge tapqır Artemis-1 säfärendä qullanılaçaq. Anıñ yärdämendä Ayğa keşesez Orion ğaläm apparatı cibäreläçäk. Şunnan soñ astronavtlarnı Ay orbitasına mengerüne maqsat itep quyğan Artemis-2 häm Ay öslegenä töşep utıru niyätennän yasalaçaq Artemis-3 säfärläre dä yulçılıqnı älege platformadan başlayaçaq.

NASA “Artemis” missiyäse qısalarında 2024nçe yılğa qadär Ayğa keşele oçışlar yasarğa uylıy.

2028nçe yılğa qadär däwam itäçäk säfärlärdän soñ Ay orbitasına ğaläm stanśiyäse tözü häm anı basqıç bularaq qullanıp Marsqa keşele säfärlär oyıştıru küz uñında totıla.



Bäyläneşle xäbärlär