Kitap urlawçı ilçe

Meksika ilçese kitap urlağanda totıla

1319865
Kitap urlawçı ilçe

Meksikanıñ Buênos-Ayrestağı ilçese Oskar Rikardo Valero Resio 10 dollarlıq kitap urlawda ğayeplängännän soñ wazıyfasınnan alınırğa mömkin. Ul inde üz ilenä qaytıp kitkän. Bu xaqta Meksikanıñ tışqı êşlär ministrı Marselo Êbrard Twitter säxifäse aşa belderde. “Êtika komitetınnan tanılğan kitap kibetennän kitap urlawda ğayeplängän Argentinadağı ilçeneñ wäzğıyäten tikşerülären soradım. Şul uq waqıtta anıñ ilgä qaytuın taläp ittem. Videoküreneşlär döres bulıp çıqsa, wazıyfasınnan kitäçäk. Urlaşuğa aqlaw yuq,”-dip yaza ministr.  

Argentina matbuğatında urın alğan video häm fotolardan kürengänçä, 76 yäş’lek ilçe 26nçı oktyabr’dä Buênos-Ayrestağı iñ tanılğan kitap kibete “Êl Ateneo Grand Splendid”ta kiştädän alğan kitapnı ber gazeta arasına quya häm aqçasın tülämiçä işektän çıqqanda signalizaśiyä êşli başlıy. İlçene saq xezmätkärläre tuqtata. Alar Oskar Rikardo Valero Resionıñ faturasın tikşerep qarıy häm kitapnı satıp almawın açıqlıy. Bu xaqta poliśiyägä xäbär itälär.

İlçene qaraqlıqta ğayepläğ cinayät’ êşe açıla. Ämma ul diplomatik qağılsızlıqqa iyä. Şuna kürä ilçe Argentinada qulğa alınu, xökem itelü häm cäza aludan irekle.

Oskar Rikardo Valero Resio urlağan kitäpnıñ yaqınça 10 dollar bäyäsendä buluın belderälär. Ul - franśuz tarixçı Gay Şossinan-Nogaret yazğan macara yaratuçı häm çapkır Kazanovanıñ biografiyäse.



Bäyläneşle xäbärlär