Dön'yadağı iñ yäş' xökümät räise

Finlyandiyädä xökümät başına 34 yäş'lek xatın-qız kilde

1320014
Dön'yadağı iñ yäş' xökümät räise

Finlyandiyädä êlekkege xökümät räise Antti Rinnenıñ wazıyfadan kitüennän soñ uzğan ğomum şurada buşağan känäfigä 34 yäş’lek Sanna Marin saylandı. Ul - dön’yadağı iñ yäş’ häm Finlyändiyä tarixınıñ öçençe xatın-qız xökümät räise. Anıñ bu atna êçendä wazıyfasına kereşüe kötelä.

Sanna Marin - 5 partiyäle koaliśiyä xökümäteneñ iñ zur firqase bulğan Sośial’-demokratlarnıñ liderı.

Êlekkege xökümät räise Antti Rinne uzğan atnada sişämbe könne ildäge rizasızlıq artqannan soñ wazıyfadan kitüen belderde. Anıñ êş taşlağan poçta xezmätkärläreneñ taläplärenä qolaq salmawı häm prośess belän idarä itä almawı tänqıyt’ utına totıldı.

Yaña xökümät räise Sanna Marin, jurnalistlarnıñ sorawlarına cawap birep, bolay dide: “Işanıçnı qabat torğızu öçen bik küp êşlärgä kiräk”.

Dön’yadağı iñ yäş’ xökümät räise buluı nisbätennän birelgän sorawğa isä: “Hiçber waqıt yäşemne yäisä cenesemne uylap xäräkät itmädem. Minem öçen ähämiyätle bulğan närsä - säyäsätkä kerüemneñ säbäbe häm sawlawçınıñ bezgä ışanıçı,”- dip cawap birde.



Bäyläneşle xäbärlär