Franśyädä xalıq pensiyä reformasına rizasızlıq kürsätä

Barlıq tarmaq xezmätkärläre bilgesez waqıtqa qadär êş taşladı

Franśyädä xalıq pensiyä reformasına rizasızlıq kürsätä
fransa.jpg
fransa.jpg
fransa.jpg

Franśyädä ilbaşı Êmmanuêl’ Makron idaräseneñ pensiyä reformasına rizasızlıq kürsätüçe distälägän meñ keşe il külämendä köndälek tormışnıñ ağımın tuqtattı. Protest çaralarında qatnaşuçılar belän poliśiyä arasında bäreleşlär kilep çıqtı.

“Sarı jiletlı”larnıñ ber yıl barğan demonstraśyälärennän soñ kiçä bik küp tarmaqta êşläwçe 500 meñ keşe il külämendä bilgesez waqıtqa qadär êş taşladı. Alar arasında Parij häm anıñ tiräsendä xezmät kürsätüçe transportçılar, ilneñ timer yullar şirkäte häm aviakompaniyä Êyr Frans xezmätkärläre, tabıblar, uqıtuçılar, tärtip saqçıları, advokatlar, awıl xucalığı xezmätkärläre, taksistlar häm başqa bik küp tarmaqta êşläwçelär bar. Alarnıñ rizasızlıq belderüenä säbäpçe bulğan reforma layıqlı yalğa çıqqanda däwlät xezmätkäre häm êşçe arasındağı ayırmanı beterü, pensiyä yäşen 62dän 64kä citkerüne küzdä tota.

Başqala Parij häm başqa bik küp şähärlärdä xalıq uramğa çıqtı. Demonstrantlar belän poliśiyä arasında bäreleş xäbäre Lion, Nantes häm Renn qalalarınnan kilde.

Franśuzlar, tradiśiyä buyınça, rizasızlıqların êş taşlaw häm demonstraśiyälär belän kürsätä. Monnan alda da alar bik küp sanda oxşaş çaralar ütkärde. Mäsälän, 1995nçe yılda 3 atna däwam itkän êş taşlaw waqıtında ildäge tormış tuqtap qalu noqtasına citkän ide.



Bäyläneşle xäbärlär