Klimat üzgärü - 21nçe ğasırnıñ iñ zur yanawı

Bötendön'ya sälamätlek saqlaw oyışması çañ suğa

1317694
Klimat üzgärü - 21nçe ğasırnıñ iñ zur yanawı

Klimat üzgäreşe 21nçe ğasırda keşe sawlığına iñ zur yanaw bulaçaq. Ul çiktän tış cılılıq, stress, tropik bizgäk häm xolera şikelle çirlär belän sälamätlekkä turıdan-turı zarar birä.

İspaniyä başqalası Madridta uzğan BMOnıñ Klimat üzgäreşe problemaları cıyılışınnan soñ ber kön ütkäç Bötendön’ya sälamätlek saqlaw oyışması yaña xisabın çığardı. Anda 101 ildä ütkärelgän tikşerenülärneñ näticäse urın ala. Oyışma älege däwlätlärneñ kübeseneñ klimat üzgärügä qarşı xäzerlägän programmaların tormışqa aşırmawın assızıqlıy.

 “Klimat üzgäreşläreneñ yoğıntısınnan keşe sälamätlegen saqlaw härwaqıttağıdan tağın da aşığıç,”-diyelä xisapta. Anda xäzergä däwlätlärneñ tırışlıqlarınıñ citärlek bulmawı äytelä.

Klimat üzgärüenä qarşı plan häm strategiyälärne tormışqa aşıru öçen däwlätlär kiräkle finanslawnıñ barı tik 38%ın ğına täêmin itä alğan. Xisapta bu wäzğıyät’neñ borçu tudıruçı buluı äytelä.  

Bötendön’ya sälamätlek saqlaw oyışması ğomum direktorı Tedros Adxanom üzeneñ bu nisbättän yasağan belderüendä bolay dide: “Klimat üzgäreşe barı tik kiläçäk buınnar tülärgä tiyeşle xisap tügel, bügen ük keşelär anı sälamätlekläre belän tüli”.

Adxanom däwlätlärneñ klimat üzgäreşenä qarşı xäräkät itä başlawı häm keşelär sälamätlegen bügen häm kiläçäktä saqlaw öçen ixtiyacı bulğan çığanaqlarğa iyä bulularınıñ äxlaqıy cawaplılıq ikänen assızıqlıy.



Bäyläneşle xäbärlär