Êfiopiyä ğalämgä täwge iyärçenen oçırta

Bu tarixi waqıyğa 17nçe dekabr'gä bilgelängän

Êfiopiyä ğalämgä täwge iyärçenen oçırta

Könçığış Afrika däwläte Êfiopiyä üz finans mömkinlekläre belän alıp barğan ğaläm programması qısalarında täwge tapqır yasalma iyärçen oçırtaçaq.

İlneñ ğaläm tikşerenü häm texnologiyä institutı direktorı Solomon Belay beldergänçä, älege tarixi waqıyğa 17nçe dekabr’dä tormışqa aşaçaq. Yasalma iyärçen yärdämendä yıl sayın yaqınça 12 million dollar aqça yanğa qalaçaq.

Cihaznı Qıtaydan oçırtaçaqlar. Anı Êfiopiyä başqalası Addis Abebada tözelgän Êntoto observatoriyäsennän ber törkem injener küzätep toraçaq.  

İl keremeneñ küp öleşen igençelek häm terlekçelektän ala. Anıñ soñğı yıllarda yış bulğan dön’yaküläm klimat üzgärüeneñ naçar täêsirlären kimetü öçen dä yasalma iyärçengä ixtiyacı bar.

Saxara astı Afrikadağı Gana, Nigeriyä, Kön’yaq Afrika häm Ruanda şikelle bik az sanda ilneñ ğalämdä yasalma iyärçene bar.



Bäyläneşle xäbärlär