200 äsir irekkä çıqtı
Yämändä ğaräplär Xusilärne irekkä çığardı
1313303
Yämändä Soğud Ğaräbstanı citäkçelegendäge koaliśiyä 200 Xusi suğışçısın irekkä çığardı.
Koaliśiyä süzçese Turki äl-Maliki äsir almaşuda uñay poziśiyädä buluların belderde. Ul Yämändäge krizisnı çişü öçen Stokgol’m kileşüe tarafında qalaçaqların söyläde. 200 Xusi äsiren dä şul qısalarda irekkä çığarğannar.
Koaliśiyä süzçese, monnan tış, Bötendön’ya sälamätlek saqlaw oyışması xezmättäşlege yärdämendä başqala Sanadan çit ilgä däwalanu öçen oçuşlar başlanacağın belderde.
Xusilärneñ yuğarı däräcäle citäkçeläre Möxämmät Ali äl-Xusi dä sośial’ media säxifäse Twitter aşa belderü yasap, äsirlärneñ irekkä cibärelüenä qanäğat’ buluların äytte.