Milliarder Blumberg saylawlarda qatnaşaçaq

Dön'yanıñ iñ bay keşelärennän berse AQŞ ilbaşı saylawlarında üzen namzät itep kürsätte

1311736
Milliarder Blumberg saylawlarda qatnaşaçaq

Amerika Quşma ştatlarında êlekkege N’yu-York mêrı Maykl Blumberg 2020nçe yılda uzaçaq ilbaşı saylawlarında Demokratlar partiyäsennän räsmi namzät bularaq açıqlandı. Ul üze belderüdä bolay dide: “Donal’d Trampnı ciñü häm Amerika Quşma ştatların qabattan tözü öçen AQŞ ilbaşı saylawlarında qatnaşam”.

Blumberg xäzerge däwlät başlığınıñ duamal häm äxlaqsız qılanmışlarına tağın 4 yıl tüzä almayaçaqların belderde. “Tramp ilebezgä häm qıymmätlärebezgä qarşı yäşäyeş yanawı. Ägär tağın ber çorğa saylawlarda ciñsä, kitergän zararın tözätü mömkin bulmawı bar,”-dide ul.

77 yäş’lek Blumberg yaqınça 36 milliard dollarlıq mal-mölkäte belän dön’yanıñ iñ bay keşelärennän berse. 2003nçe - 2013nçe yıllarda ul N’yu-York mêrı buldı.

AQŞta 2020nçe yılnıñ 3nçe noyabrendä uzaçaq ilbaşı saylawları öçen Demokratlar partiyäsennän, Blumbergtan tış, tağın 17 namzät yarışa. Anketalar buyınça, xäzerge waqıtta Barak Obama çorındağı viśe-prezident Djo Bayden alda bara.  



Bäyläneşle xäbärlär