Fälästin Xaräm-i İbrahim mäçeten saqlarğa çaqırdı

Möselman dön'yasındağı iñ izge 4nçe ğıybadätxanägä yähüdlärneñ basqınnarı arttı

1311429
Fälästin Xaräm-i İbrahim mäçeten saqlarğa çaqırdı

Fälästin idaräse tarixi Xaräm-i İbrahim mäçeten İzraildän saqlawların sorap YuNESKOğa möräcäğat’ itte. Älege ğıybadätxanä basıp alınğan Könbatış Yordan üzänlegendäge Äl-Xälil şähärendä urnaşqan.

Fälästin tışqı êşlär ministrlığınnan belderülärençä, fanatik yähüdlär Xaräm-i İbrahimğa basqınnar oyıştıra. YuNESKO häm başqa xalıqara oyışmalarnıñ isä dini qorılmalarnı häm urınnarnı saqlawda cawaplılıqları bar.  

“Xalıqara oyışmalarnı basıp aluçılarnı üz qararların xörmät itärgä häm yähüd cirläşüçelärne basqınnarın tuqtatırğa mäcbür itü öçen tağın da zurraq tırışlıq quyarğa çaqırabız,”-diyelä belderüdä.  

Basıp alınğan Qudüs şähärendäge Äl-Aksa mäçeteneñ tiräse bularaq qabul itelüçe Äl-Xälil şähärendäge Xaräm-i İbrahim - möselman dön’yasındağı iñ izge öçençe mäçet. Anıñ astındağı mäğarädä İbrahim xäzrätläre, xatını Saränıñ, monnan tış İsxaq, Yakup, Yosıf xäzrätläre häm xanımnarınıñ qaberläre bar dip sanala.



Bäyläneşle xäbärlär