Ğaläm - NATOnıñ yaña xäräkät mäydanı

İttifaq ğalämne üz êşläre öçen qullanırğa uylıy

1310189
Ğaläm - NATOnıñ yaña xäräkät mäydanı

NATO ğomum särqatibe Yens Stoltenberg ğalämneñ yaña xäräkät üzäge bulaçağın äytte.

İttifaq’nıñ Bel’giyä başqalası Brüssel’dä uzğan tışqı êşlär ministrları cıyılışınnan soñ ul belderülär yasadı. “Hawa, cir, diñgez häm kiberkiñlektän tış, ğalämne yaña xäräkät mäydanı itügä qarar birdek,”-dide NATO citäkçese.

Stoltenberg ğalämneñ köndälek häm xärbi tormışta ähämiyätle buluın assızıqladı. Anı tınıç maqsatlar ğına tügel, suğış öçen dä qullanuları mömkin.

Stoltenberg yasalma iyärçennärneñ höcümgä duçar bula aluın, monıñ isä êlemtä xezmätlären tar-mar itäçägen söyli. “Ğaläm ittifaqnıñ ber ük waqıtta saqlanuı häm höcümnärne kire qaytaruı öçen dä ähämiyätkä iyä,”-dip sanıy ul. Anıñ fikerençä, ğaläm küzläw êşläre alıp baru häm raketalarnıñ qayda buluın bilgeläwdä töp rol’lärne başqara. Stoltenberg NATOnıñ saqlanu öçen qorılğan ittifaq buluın xäterlätte häm ğalämgä qoral urnaştırırğa niyätlämäwlären iskärtte.  

 



Bäyläneşle xäbärlär