Greklar qaçaqlarğa ut açtı
Xios utrawına yaqınlaşuçı qaçaq köymäsenä Greśiyä yar buyı iminlege xezmätkärläre ut aça
İzmirneñ Çäşmä rayonı sulıqlarında êläkterelgän qaçaqlar Xios utrawları yanınnan uzğanda Greśiyä yar buyı iminlege xezmätkärläreneñ ut açuın belderde. Alar üzläreneñ köymälärenä Törkiyä bayrağın êlgän bulğan. Şulay da, törek iminlek saqçıları diñgezdä yözüçe älege katerdan şöbhälänep barıp tikşerä. Anda 17 süriyäle häm 10 Somali keşese bula. Aralarında balalar häm xatın-qızlar da bar. İminlek saqçıları qaçaqlarnı yarğa alıp çığa.
Soraştıru waqıtında köymädägelär Xios utrawına taba kitülären, ämma annan greklar ata başlağaç, kire borılırğa mäcbür buluların belderde.
Söyläwlärenä qarağanda, qaçaqlar törkeme kiçen katerğa utırğan häm yaqınça yartı säğat’tän Xios utrawlarına yaqınlaşqan. 20 metr tirase qalğaç tuqtağannar.
“Şul waqıtta Greśiyä yar buyı iminlege törkemnäreneñ kilüen kürdek. Yıraqtan kildelär, köymälärendä ut yuq ide. 200 metr qalğaç qabızdılar. Hawağa berniçä tapqır attılar. Bez tuqtamıyça yözdek. Annarı bezgä ata başladılar. 15-20 minut utqa tottılar. Yaqınça 100 yädrä attılar. Berniçä tapqır köymägä êläkte, soñınnan bez qaçtıq, yuqsa äylänep qaplana yazdıq,”-dip söyläde qaçaqlar.
Bäyläneşle xäbärlär
AQŞ Pol'şa belän Niderlandqa raketa cibärä
Awrupa illäre saqlanu mömkinleklären arttıru maqsatınnan AQŞtan qorallar satıp aldı