Êlektron tämäkedäge "üterüçe matdä" tabıldı

Amerika Quşma Ştatlarında êlektron tämäke qullanuçı 40 keşeneñ ülemenä häm 2 meñnän artığınıñ çirläwenä kitergän zararlı matdä açıqlandı. Bu xaqta AQŞnıñ awırularnı kontrol’ itü häm çikläw üzägennän belderü yasadılar. Anda ildäge serle üpkä çirläre oçraqlarına êlektron tämäkedäge E vitaminı asetatı dip ataluçı ximik quşılmalı matdä säbäpçe buluı turında äytelä.

Belgeçlär 10 ştatta êlekrton tämäke tartuçı 29 awırudan alınğan analizlar näticäsendä älege matdäneñ zararlı buluın açıqladı. Tikşerenü törkemennän Djeyms Pirkl anı “çiktän tış yabışqaq” dip bäyäli. Älege matdä sulış alu yulları buyınça üpkälärgä kergännän soñ kire çıqmıy.

Belgeçlär älege mäğ’lümat belän genä çiklänmiçä, êlektron tämäkedäge başqa ximik matdälärne analizlawnı däwam itä.