Afrikada 52 million keşe aç

Bu xaqta xalıqara yärdäm oyışması “Oxfam” xisabında citkerelä

Afrikada 52 million keşe aç

 

Afrikanıñ 18 ilendä 52 million keşe klimat üzgäreşe, fäqir’lek häm qorallı bäreleşlär arqasında açlıqtan integä.

Bu xaqta üzäge Angliyädä urnaşqan xalıqara yärdäm oyışması “Oxfam” xisabında belderelä.

 Xisapta şulay uq Afrika qıytğasınıñ kön’yaq,könçığış häm urta öleşlärendä häm qorılıq, häm köçle yawım – töşemnär kiterep çığarğan su basu fäläkätläre arqasında millionnarça keşe yärdämgä moxatac.

Zimbabveda 1981 nçe yıldan birle bik az yawım - töşem bulğan, Keniya,Êfiopiya häm Somali qorılıqtan zur zıyan kürgän, Kön’yaq Sudanda isä su basu afäte yaqınça 900 meñ keşegä tiskäre yoğıntı yasağan.

Xisaptan kürengänçä, 18 Afrika ile soñğı 10 yılda klimat üzgäreşe fäläkätläre säbäbe belän yıllıq 700 million dollar yuğaltqan.

Klimat belän bäyle fäläkätlär arqasında millionnarça keşe yäşägän cirlären taşlap kitärgä mäcbür bulğan.

 



Bäyläneşle xäbärlär