Greśiyädä sıyınuçı balalarnıñ niçek tormış itüe bilgele tügel

Greśiyädä qarawçısız qalğan sıyınuçı balalar sanı 4 meñ 779ğa citte. İlneñ mäşğul’lek ministrı urınbasarı Domna Mixaylidu bu xaqta matbuğat cıyılışında söyläde. Ul älege balalarnıñ 2 meñeneñ törle säbäplär arqasında yäşägän cirlärennän qaçuın äytte.  

Mixaylidu beldergänçä, qarawçısız balalarnın qayda häm nindi şartlar astında tormışların däwam itüe bilgele tügel. Alarnı tabu öçen grek poliśiyäse tarafınnan êzläw êşçänlekläre bara.

İl külämendäge qarawçısız qalğan sıyınuçı balalarnıñ 43%ı Äfğanstan, 25%ı Paqıstan häm 9%ı Süriyä çığışlı. Monnan tış, 94% qa yaqını ir balalar. Aralarında 14 yäşen tutırmağannar da küp.

Mixaylidu Germaniyä häm Serbiyäne dä kertep baytaq däwlätlärneñ ilçeläre belän söyläşülär uzdırıluın äytte. Anıñ fikerençä, qarawçısız balalarnıñ qayberläre çikne uzıp kürşe illärgä kitkän bulırğa mömkin.