Fälästinle atağa balası küz aldında mıltıq töbädelär

İzrail xärbiläreneñ fälästinle ir-atqa 5 yäş’lek balasınıñ küz aldında mıltıq tözäwläre qatğıy reakśiyägä säbäp buldı. Waqıyğanı basıp alınğan Könbatış Yordannıñ Äl Xälil şähärendä töşerälär.

İzrail çik buyı poliśiyä xezmätkäreneñ fälästinle yäşüsmergä arqasınnan ber säbäpsez plastik yädrä atuın kürsätkän video belän bäyle bäxäslär äle däwam itä ide. Sośial’ mediada çıqqan tağın ber yazma utqa utın östägän şikelle buldı. Ul İzrail köçläreneñ fälästinlelärgä qarata naçar möğamäläsen tağın ber qat rasladı.

Äl Xälildä kiçä töşerep alınğan videoda İzrail xärbiyeneñ ber fälästinle ir-at belän 5 yäş’lek balası yanında tartqalaşuı kürenä. Äti keşeneñ: “Taş attımı? Ul äle 5 yäşendä genä,”-diyüe işetelä. Xärbi: “Äye, taş attı, barlıq iptäşlärebezgä taş ata. Niçä yäş’tä buluı mine qızıqsındırmıy,”-dip cawap birä. Bäxäs barğan arada alar yanına tağın ber İzrail xärbiye kilä. Ul fälästinle ir-atqa kiterep suğa häm annan kitüen taläp itä. Kiyerenkelek artqannan soñ İzrail xärbiläreneñ berse mıltığın fälästinlegä tözi.

Waqıyğa ir-atnıñ balasın alıp annan kitüe belän tögällänä.

Bu video matbuğat çaraları häm sośial’ mediada taralğannan soñ İzrail armiyäsennän belderü yasaldı. Anda waqıyğanıñ tikşerelüe äytelä.