Hindstanda salım xezmätkären yandırıp üterdelär

Aña ofisına kilgän beräw benzin sibep ut törtä

1300798
Hindstanda salım xezmätkären yandırıp üterdelär

Hindstannıñ Telangana töbägendä salım oyışmasında êşläwçe xatın-qız xezmätkärne ofisına kilgän beräw yandırıp üterä.

Hind matbuğatındağı xäbärlärgä qarağanda, Vijaya Redi isemle xezmätkär belän Kurra Sureş arasında cir belän bäyle bäxäs quba. Kilgän ir-at älege salım belgeçeneñ östenä häm bülmäsenä benzin sibep ut törtä. Anıñ işekne êçke yaqtan bikläwe häm beraz kötep toruı belderelä. Binadağı başqa xezmätkärlär Vijaya Redinıñ tawışın işetep işekne açarğa mataşa, ämma uñışqa ireşä almıy. Beraz waqıt uzğaç Sureşneñ işekne açıp tänendäge peşü êzläre belän waqıyğa urınınnan qaçuı kürenä.

Tänendäge awır peşü yaraları barlıqqa kilgän xatın-qıznı qotqara almıylar, ul ülä. Aña yärdäm itärgä telägän 3 xezmätkär dä yaralana.



Bäyläneşle xäbärlär