Nepaldä avtobus qazası
Faciğada 17 keşeneň ğomere özelde, 50 keşe yaralandı
1299681
Nepaldä avtobusnıň yılğağa kilep töşüe näticäsendä 17 keşeneň ğomere özelde, 50 keşe yaralandı.
Uzğan atnada tämamlanğan Tixar festivalennän qaytuçılar utırğan avtbus başqala Katmandunıň 120 çaqrım könçığışında 20 metr biyeklektän Sankoşi yılğasına töşte.
17 keşeneň yaqtı dön’yadan kitüenä, 50 keşeneň yaralanuına säbäpçe bulğan yul hälakäten avtobustağı citeşsezlekneň kiterep çığaruı uylanıla.
Avtobusta kirägennän artıq yulçınıň buluı citkerelä, yaralanuçılardan 21e xastaxanädä yata.
Nepaldä asqorıma citeşsezlege, naçar yullar häm transport çaraları arqasında yış räweştä yul hälakätläre küzätelä.
