Morglarda bilgesez 30 meñ mäyet

Meksikanıñ keşe xoquqları komissiyäse il külämendä morglarda kimendä 30 meñ yaqınnarı tabılmağan yäisä kemlege bilgelänmägän mäyet buluın açıqladı. Oyışma yasağan belderügä qarağanda, morglarda aqça, xezmätkär häm maxsus cihazlar citmäw şäxes açıqlaw êşlären kirägençä başqaruğa qomaçawlıy.

Monnan tış, komissiyä il külämendä sanı bilgele bulmağan skelet qaldıqları tabıluın da xäbär itä. Alarnıñ kübese yäşeren qaberlärdän çıqqan.

120 million keşese bulğan Meksikada uzğan yıl 35 meñ 964 üterü oçrağı terkälgän. Alarnıñ kübese narkokartel’läre belän bäyle. Bıyıl isä älege san xäzerdän ük 26 meñgä citkäñ.