DEAŞ yaña ataman sayladı
Terrorçı oyışması ülgän atamannıñ urınına isä Äbu İbrahim äl-Xaşimi äl-Kuraşinıñ saylanuın belderä
DEAŞ terrorçı oyışması atamannarı Äbübäker äl-Bağdadinıñ üterelüen qabul itte häm yaña başlıq saylawların belderde.
Bu xaqta älege terrorçı oyışmasına yaqın Telegramm kanallarınnan audioyazma aşa xäbär ittelär. Anda üzen oyışma süzçese bularaq tanıtuçı Äbu Xamzä äl-Kuraşi söyli. Ul Bağdadi belän anıñ yaqın wäkile Äbu Xasan äl-Muhacirnıñ üterelüen äytä. Süzçe ülgän atamannıñ urınına isä Äbu İbrahim äl-Xaşimi äl-Kuraşinıñ saylanuın belderä.
DEAŞ atamanı Bağdadinıñ AQŞ maxsus köçläreneñ 8 boralağı belän Süriyäneñ İdlib şähäre tön’yağında oyıştırılğan operaśiyädä ülüe belderelgän ide.
AQŞ ilbaşı Donal’d Tramp atna başında uzdırılğan matbuğat cıyılışında Bağdadinıñ torğan öye astındağı tunnel’lärdän bersenä kerep üz-üzen şartlatuı turında xäbär itkän ide. Anıñ yanındağı 3 bala da ülä.
AQŞ däwlät departamentı isä Bağdadinıñ wäkile häm DEAŞ süzçese Äbu Xasan äl-Muhacirnıñ Süriyäneñ Djerablus şähäre tiräsendä sişämbe könne uzdırılğan xärbi operaśiyädä üterelüen belderde.
