Terrorçı oyışmağa kergän inglizne xökem ittelär

Ğıyraq belän Süriyägä ütep separatist YPG/PKK terrorçı oyışmasına kergän Angliyä watandaşı Aidan Djeyms terrorçılıq belän köräş qanunı qısalarında xökem itelde häm ğayeple dip tabıldı.

Anıñ êşe başqala Londondağı cinayät’ mäxkämäse Old-Beylida qaraldı. Aidan Djeymsnı Ğıyraqtağı ber PKK lagerında buluı öçen ğayeple dip taptılar. Monnan tış, ul Süriyädä dä terrorçılar lagerında yäşi, ämma mäxkämäneñ anı bu oçraqta aqlawı iğ’tibarnı cälep itte.  

Djeyms uzğan yıl 4nçe fevral’dä saq astına alına. Anı Süriyädän Angliyägä qaytışlıy Liverpul’ aêroportında êläkterälär. İngliz ir-at terrorçılıq çarasına xäzerlek häm terrorçılıqqa öyrätelüçe urınnarda buluda ğayeplänä.

DEAŞ belän köräşne säbäp itep PKK/YPGgä kergän Djeymsqa nindi cäza bireläçäge tizdän açıqlanaçaq.    

PKK - 2011nçe yıldan birle Angliyädä terrorçı oyışması isemlegendä. YPG älege isemlektä yuq.

Londondağı analitika üzäkläreneñ berse “Genri Djekson” oyışması uzğan yıl “Onıtılğan çit suğışçılar: Süriyädä PKK” isemle xisap çığardı. Anda PKK belän PYD/YPG arasındağı bäyläneş açıp kürsätelä. Xisapta 12 ildän terrorçı oyışmasına kergän 60 keşeneñ profilenä urın birelä, inglizçä söyläşüçe däwlätlärdän kitüçelärneñ 80%nı alıp toruı äytelä.