Angliyädä 39 keşe tuñıp ülgän

Alarnı suıtuçı konteyner êçennän tabıp aldılar

1294127
Angliyädä 39 keşe tuñıp ülgän

Angliyäneñ Êsseks töbägendä yök maşinasında üle kileş tabılğan 39 keşeneñ qıtaylar buluı alğa sörelä. Bu xaqta ingliz matbuğatı poliśiyädän alınğan mäğ’lümatlarğa tayanıp xäbär itä. Mäyetlärne Uotergleyd sänäğat’ mäydanında yök maşinasındağı konteyner êçennän tabıp alalar. Qaçaqlar buluı farazlanuçı älege 39 keşeneñ suıtıla torğan konteynerga qayda, qayçan häm niçek kerüe turında beldermädelär. Alar êçtäge cılılıq -25 gradusqa qadär töşkäç öşep ülgän.   

Bel’giyä dairäläre konteynernıñ Zebryügge portına sişämbe könne cirle waqıt belän säğat’ köndezge 3 tulğanda kilep citüen häm şul uq könne köymä belän Angliyägä taba yulğa çığuın belderde.  

Böyekbritaniyädä isä anıñ tön urtasında Purflit portına kilep citüe terkälgän. Biredä anı Bolgariyä şirkätenä qarawçı ber yök maşinası alğan häm älege dä bayağı sänäğat’ mäydanına iltkän.

Bolgariyä tışqı êşlär ministrlığı yazmaça belderü yasap, yök maşinasınıñ Varnada İrlandiyä watandaşı isemenä terkälgän şirkätneke buluın rasladı. Maşina Bolgariyädän 2017nçe yılda çıqqan häm bütan kire qaytmağan.

Angliyä poliśiyäse waqıyğa belän bäyle bularaq Tön’yaq İrlandiyädä ike adresqa basqın oyıştıruın belderde häm başqa mäğ’lümat birmäde.

Poliśiyä kiçä älege yök maşinasınıñ yörtüçese 25 yäş’lek irlandiyäle Mo Robinsonnı saq astına alğan ide.



Bäyläneşle xäbärlär