Oyışqan cinayät’çel törkemnär xökümättän tağın da köçle

Meksikalılar bandalarnıñ ildä idarä itüenä ışana

1292516
Oyışqan cinayät’çel törkemnär xökümättän tağın da köçle

Meksika xalqının yartısınnan kübräge oyışqan cinayät’çel törkemnärneñ xökümättän tağın da köçle buluın uylıy. Küptän tügel uzğan sośiologik soraştıruda şundıy näticä yasaldı.

17nçe oktyabr’dä narkokartel’ atamanı Êl Çapo (kärlä) quşamatlı Xoakin Gusmannıñ ulı Ovidio Gusman Lopesnıñ poliśiyä tarafınnan qulğa alınuı arqasında bäreleşlär çıqtı. “Reforma” gazetı şunnan soñ soraştıru uzdırdı. Anda qatnaşuçılarnıñ 56%ı oyışqan cinayät’çel törkemnärneñ xökümättän köçleräk buluın beldergän. 45% soraştırıluçı dähşätle waqıyğalardan soñ Gusmannı irekkä cibärüneñ döres yul buluına ışana, 49%ı monı yalğış qarar dip atıy.

AQŞta räşätkä artında utıruçı ata Gusmannıñ ulı Ovidionı 17nçe oktyabr’dä Sinaloa töbägendäge öyendä iminlek köçläre saq astina ala. Alarğa yärdämgä xärbilär kilgändä banda äğ’zaları ut aça, ike arada qorallı bäreleş bula. Monnan tış, banditlar şähärneñ törle poçmaqlarında qanlı çaralar oyıştıra. Alar uramnarda maşinalarğa ut törtä, däwlät binaları, êş urınnarı häm xalıqqa teläsä nicek ata. Näticädä, qaladağı törmädän 51 mäxküm qaça. Waqıyğalarda 5 banda äğ’zası, ber saqçı, ber mäxküm häm ber grajdanlınıñ ğomere özelä, 16 keşe yaralana.

Bäreleşlärdän son ilneñ iminlek şurası aşığıç räweştä cıyıldı. Alar Gusmannı irekkä cibärergä qarar qıldı.



Bäyläneşle xäbärlär