Neft' cıyu öçen xärbilär cibärelä

Braziliyä däwlät başlığı kiñäşçese Gamil’ton Murao ilneñ tön’yaq-könçığış yarlarına sentyabr’ ayınnan birle sarquçı neft’ne çistartu öçen tağın 5 meñ xärbine cibäräçägen belderde. Moña qadär älege êştä 1500 xärbi bar ide. Qara altın tapları turistik cirleklärgä qadär barıp citte häm Braziliyäneñ mäşhür plyajların pıçrata başladı.

Muraonıñ äytüençä, neft’neñ qaydan ağıp çığuın äle xaman açıqlıy almadılar. Sentyabr’dän birle diñgezdän häm yarlardan 600 tonna çi neft’ cıyılğan.  “Bügen qulıbızdan kilüçe iñ yaxşı yul - qomlıqlarıbızğa kilep citkän älege neft’ne keşelärne öyrätep cıyu,”-di viśe-prezident.

Braziliyä tirä-yün’ moxit häm yañartıla aluçı tabiğıy çığanaqlar imnstitutı qara altın taplarınıñ ilneñ 9 töbägendä kimendä 200 qomlıqnı pıçratuın belderde.