Êl’-Nin’o oçraqları arttı

Dön’yaküläm cılınunıň tabiğattä Êl’-Nin’o oçraqların arttıruı, bu xalätneň cılınğan planetanı tağın da cılıtuı açıqlandı.

Gavayi universitetınnan belgeçlär 1901 yıldan bügengä qadär küzätelüçe 33 Êl’-Nin’onı tikşerde.

Belgeçlär Tın okeannıň Êkvator töbägen cılıtuçı häm cir şarında êkstremal’ hawa şartların tudıruçı Êl’-Nin’olarnıň 1970 yıllardan bügenge köngä qadär cılı sularda barlıqqa kilüen küzätte.

Belgeçlär köçle Êl’-Nin’olarnıň Awstraliya häm Hindıstan kebek illärdä qorılıqqa, Kaliforniya kebek urınnarda da su basularğa nigez äzerli alaçağına işarät itä.

Tikşerenü liderı Bin Wang dön’yada yaňa qızulıq rekordları quyılğan 1982, 1997 häm 2015täge öç köçle Êl’-Nin’onıň könbatışta başlanuına iğtibarnı cälep itte.

Tikşerenüdä 1978 yıldan alda 14 Êl’-Nin’odan 12eseneň könçığışta, 1978dän soňğı 11eneň urta töbäktä yäisä könbatışta barlıqqa kilüe öyränelde.

Tikşerenüneň neçkälekläre "Proceedings of the National Academy of Sciences" jurnalında urın aldı.