“Serbiya – siräk duslarıbıznıñ berse”

Bu xaqta Rusiya Federaśiyäse premyer-ministrı Dmitriy Medvedev beldergän

1291107
“Serbiya – siräk duslarıbıznıñ berse”

 

Rusiya Federaśiyäse premyer-ministrı Dmitriy Medvedev Serbiya başqalası Belgradtağı oçraşuları qısasında ilbaşı Aleksandar Vuçiç belän küreşep söyläşkän.

Söyläşüdän soñ urtaq matbuğat oçraşuı uzğan.

Medvedev biredä yasağan çığışında Kosovo mäs’äläsenä dä tuqtalıp tübändägelärne citkergän:” Serbiyanıñ cir bötenlege häm möstäqil’legen xuplıybız. Duslarıbıznıñ qararlarına xörmät belän qarıybız. Alarqa qatışmıybız. Dus illärneñ sanı bik az. Serbiya – siräk duslarıbıznıñ berse”.

Oçraşuda ênergiya proyektları xaqında da söyläşülären beldergän Medvedev “Törek ağımı”nıñ başlanuın barıbız da zarığıp kötäbez. Ul şaqtıy keşene êş belän täêmin itäçäk proyekt” digän.

Vuçiç ta Serbiya –Rusiya mönäsäbätläreneñ soñğı 10 yılnıñ iñ yaxşı däräcäsenä ireşüen belderep ,“Bu mönäsäbätlär bezneñ öçen bik möhim. Mondıy zur ilneñ yaqlawına iyä bulu bezne söyenderä”dip citkergän.

Dmitriy Medvedev Serbiya prem’yer-ministrı Ana Brnabiç belän dä küreşep söyläşkän.



Bäyläneşle xäbärlär