Yalğan xäbär

AQŞnıñ ber xäbär kanalınıñ yalğan video kürsätüe açıqlandı

Yalğan xäbär

AQŞ ilbaşı Donal’d Tramp ilneñ xäbär kanalı ÊyBiSineñ qoral tanıtu waqıtında töşerep alınğan köçle şartlawlarnı “Solıx çişmäse” xäräkäte şikelle itep kürsätüenä “Yalğan xäbär” süze belän reakśiyä kürsätte. Tramp älege videonı üzeneñ Twitter xisabınnan urtaqlaşıp anıñ döreslekkä turı kilmäwen äytte. AQŞ ilbaşı bu videoğa aldağı könne dä rizasızlıq kürsätkän ide. Ul wäzğıyät’ne “skandal” bularaq bäyäläde.

Xäbär kanalında qullanılğan küreneşlärneñ 2017nçe yılda AQŞta ber qoral tanıtuda töşerelgän buluı açıqlandı. Anı êfirğa birer aldınnan kadrdağı kesä telefonına şartlawnı töşerep toruçı keşelärne montaj yärdämendä sörtkännär.

Yalğan bilgele bulğannan soñ telekanal belderü yasadı. Anda Süriyä çigendä dip çığarılğan küreneşlärneñ döreslekkä turı kilüenä şöbhä tuuğa videonıñ êfirdan alınuı häm bu xata öçen ükenüläre äytelä.  



Bäyläneşle xäbärlär