Makron PKK belän PYDnı ayırım dip uylıuy

Franśiyä ilbaşınıñ separatist terrorçı oyışması PKKnıñ Süriyädäge däwamçısı PYD belän bäyläneşen añlamawı bilgele buldı. Êmmanuêl’ Makron belän Germaniyä kanślerı Angela Merkel’ ike ilneñ urtaq ministrlar şurası cıyılışınnan soñ jurnalistlarnıñ sorawlarına cawap birde.

Merkel’ üz çığışında : “Törkiyäneñ 3,6 million möhacirne sıyındıruın citdi qabul itäbez. Bu mäs’äläneñ bik ähämiyätle buluın häm Törkiyäneñ üz östenä zur yök aluın beläbez,”-dide. Ul “Solıx çişmäse” xäräkäten tögälläw kiräklegen assızıqlap, älege operaśiyäneñ DEAŞ terrorçı oyışmasınıñ yañadan qalquına kiterä aluın belderde.   

Makron da üz çığışında xäräkät turındağı fikeren belderde.

“Ber yaqta PKKğa yaqın militanlar bar häm bolar terrorçılar, ikençe yaqta YPG suğışçıları bar, boları isä PKKğa bäyle bulmağan häm Süriyädä DEAŞqa qarşı köräştä bezgä yärdäm itte. Bolarnın ikesen ber-bersennän ayırıp qaraw kiräk,”-dide Franśiyä däwlät başlığı.

Bu süzlär xätta idaräçeläre ber ük bulğan PKK belän PYDnıñ ber ük separatist terrorçı oyışması buluın franśuz liderınıñ añlıy almawın kürsätte.