Kataloniyädä iñ dähşätle tön

Uzğan töndä bulğan rizasızlıq çaralarınıñ iñ qanqoyğıç buluın belderdelär

1289839
Kataloniyädä iñ dähşätle tön

İspaniyäneñ Kataloniyä avtonom töbägendä Yuğarı mäxkämäneñ bäysezlek tarafdarı katalon säyäsätçelärgä çığarğan xökem qararına rizasızlıq çaralarınıñ 3nçe tönendä kimendä 80 keşe yaralandı.

İspaniyä xökümäte räise Pedro Sançes tarafınnan yasalğan açıqlawda äytelgänçä, protestlarnıñ öçençe kiçe iñ dähşätlese buldı. Yaralanğan 80 keşeneñ 46sı poliśiyä xezmätkäre.  İminlek köçläre belän kilep çıqqan bäreleşlärdä 33 keşene saq astına aldılar. Xäzergä qadär 4 protestçını ictimağıy tärtipne bozuda ğayepläp räşätkä artına kertüläre bilgele.  

Barselonada kiçä tönlä bulğan çaralarda qatnaşqan 10 meñnärçä keşe poliśiyä belän bäreleşkä kerde. Qayberäwlär uramnardağı barrikadalar, maşinalar häm çüp sawıtlarına ut törtte. Törkem êçennän “Uramnar härwaqıt bezneke bulaçaq” şiğar’läre işetelde.

Poliśiyä beldergänçä, çaralarda qatnaşuçılar iminlek köçlärenä molotov kokteyle, taş, şeşä häm petarda atqan. Ber poliśiyä boralağına 5 feyerverk atuların söylilär. Protest çaraları başlanğan birle kimendä 250 keşeneñ yaralanuı citkerelä.   



Bäyläneşle xäbärlär