Yaponiyädä 68 üle

Xagibis öyermäse kitergän zıyannı xisaplıylar

1288102
Yaponiyädä 68 üle

Yaponiyädä atna axırında 6 töbäktä xakimlek itkän Xagibis öyermäse säbäple ülüçelärneñ sanı 68gä citte. Kyodo xäbär agentlığınıñ törle çığanaqlardan cıynap birgän mäğ’lümatlarına qarağanda, tabiğıy afättä 100dän artıq keşe yaralanğan isäplänä. Yuğalğan 15 keşene êzläw däwam itä.

İlneñ infrastruktura ministrlığınnan belderülärençä, öyermä arqasında yarları cimerelgän yılğa sanı 47. İl külämendä su basular, êlektr kiselü häm êçä torğan su betü oçraqları küp terkälgän. 146 urında cir ubılu küzätelgän.   

İq’tisad, sänäğat’ häm säwdä ministrı İssu Sugavara êletr ênergiyäse birelmägän yortlar sanınıñ bügen irtän 34 meñ genä qaluın belderde. Älegä su birelmägän binalar isä 133 meñ.  

Yaponiyä xökümäte räise Abe Şinzo xökümätneñ afätneñ täêsire astında qalğan cirleklärdä yañadan tözü êşläre öçen rezerv fondlarnı qullanaçağın häm östämä byudjet proyektı xäzerläyäçägen belderde.

Poyezd säfärläreneñ kübese normal’ xälenä kire qaytqan. İlneñ 7 töbägendä bügen 200dän artıq mäktäp häm liśey yabıq.



Bäyläneşle xäbärlär