NATO başlığı Törkiyäne xuplıy

Ul Törkiyäneñ çik buyı iminlege öçen borçıluın tağın ber qat xäterlätte

1287814
NATO başlığı Törkiyäne xuplıy

NATO ğomum särqatibe Yens Stoltenberg hiçber berlektäşneñ Törkiyä qadär terrorçılıq höcümenä duçar bulmawın belderde. Ul ittifaq’nıñ parlament assambleyasınıñ Angliyä başqalası Londondağı cıyılışında çığış yasadı.

Stoltenberg uzğan atnada Törkiyägä säfär qıluın, anda ilbaşı Räcäp Tayyip Ärdoğan häm tışqı êşlär ministrı Mäwlet Çavuşoğlu belän oçraşuın xäterlätte.  “Törkiyä üz çikläreneñ iminlege öçen borçıla. Başqa ber berlektäş tä alardan kübräl terrorçılıq höcümenä duçar bulmadı. Başqa ber berlektäş tä Yaqın Könçığıştağı köç qullanu, totrıqsızlıq häm mäxşärgä alardan da kübräk tarımadı. Başqa ber berlektäş tä bu qadär süriyäle möhacirne üzenä sıyındırmadı,”-dide NATO başlığı.

Stoltenberg zaldan kilgän ber sorawğa cawap itep bolay dide: “Anda bulğannarnı añlawnıñ berdänber yulı - Törkiyä uynağan rol’ne añlaw. Törkiyä - NATO öçen ähämiyätle. Barı tik DEAŞ belän köräştä tügel, bik küp qaraştan möhim buluın kürsätte. Xalıqara koaliśiyä häm NATO berlektäşläre, DEAŞnı ciñü operaśiyäbezdä Törkiyädäge infrastruktura häm bazalarnı qullandı”.

NATO ğomum särqatibe DEAŞnıñ ber töbäkne dä kontrolendä totmasa da yäşäwen däwam itüen xäterlätte häm terrorçı oyışmağa qarşı berlekne saqlawnıñ ähämiyätenä iğ’tibarnı cälep itte.



Bäyläneşle xäbärlär