"Ğaräp berlege belderüe Marokkonıñ räsmi mönäsäbäten çağıldırmıy"

Marokko tışqı êşlär ministrı Nasır Burita aldağı könne ğadättän tış cıyılğan Ğaräp berlege tışqı êşlär ministrlarınıñ Törkiyäneñ “Solıx çişmäse” xäräkäten ğayeplägän belderüeneñ räsmi mönäsäbätlären çağıldırmawın äytte. Bu xaqta ul üz ileneñ matbuğat çaralarına söyläde. Burita belderügä imza quyuın, ämma monıñ berlekneñ ğomumi poziśiyäse tışına çıqmaw niyäte belän genä bäyle buluın söyläde.

“Ğaräp berlege belderüe Marokkonıñ räsmi mönäsäbäten çağıldıra digän süz tügel,”-dide Burita. Ul Marokkonı turıdan-turı qızıqsındıruçı mäs’älä bulğanda, monı milli häm räsmi kanallar yärdäme belän açıqlıyaçaqların äytte.  

Marokko diplomatik çığanaqlarınıñ mäğ’lümatına qarağanda, Ğaräp berlegeneñ bu tördäge cıyılışları härwaqıt ğaräp däwlätläreneñ mönäsäbäten çağıldırmıy.    

Misır idaräseneñ çaqıruı buyınça, kiçä tışqı êşlär ministrları däräcäsendä cıyılğan Ğaräp berlege Törkiyäneñ kön’yaq çigendä tözelergä mataşuçı terrorçılıq koridorın yuqqa çığaru häm regionğa tınıçlıq kiterü maqsatınnan başlanğan “Solıx çişmäse” xäräkäten ğayepläde, ämma Katar, Somali häm Liviyä cıyılışnıñ yomğaqlaw belderüen imzalamadı.