Misırda 1070 uqıtuçını wazıyfadan alğannar
Monıñ säbäbe - “Möselman qardäşlär” oyışmasına äğ’za bulu
Misırda “Möselman qardäşlär” oyışmasına äğ’za buluı nigeznamäse belän 1070 uqıtuçı wazıyfasınnan alınğan.
Bu xaqta Misır mäğarif ministrı Tarık Şävki matbuğat oçraşuında citkergän.
Şävki uqıtuçılarnıñ üzençälekle sıyfatlarğa iyä buluları kiräklegen ,alarnıñ “Möselman qardäşlär “gä äğ’za bulu yäisä xökemgä tartılğan buluları näticäsendä wazıyfalarınnan alınuın beldergän.
Älege uqıtuçılar isä mäs’älä belän bäyle belderü yasamağan.
Misırda demokratik saylaw belän ilbaşı bulğan Möxämmäd Mursi 2013 nçe yılnıñ 3 nçe iyülendä xärbi tüntäreleş belän wazıyfasınnan alınğannan soñ şaqtıy şähärdä tüntäreleşkä qarşı protest çaraları uzdı , älege rizasızlıq belderü çaralarında qatnaşuçı kübese “Möselman qardäşlär” äğ’zası bulğan meñnärçä keşe törle säbäplär belän qulğa alındı.
Tüntäreleştän soñ wazıyfasına kereşkän ministrlar şurası 2013 nçe yılnıñ 25 nçe dekabrendä “Möselman qardäşlär”ne “terror oyışması” dip iğ’lan itte.
Bäyläneşle xäbärlär
AQŞ Pol'şa belän Niderlandqa raketa cibärä
Awrupa illäre saqlanu mömkinleklären arttıru maqsatınnan AQŞtan qorallar satıp aldı