Boris Djonson cinayät' êşläp qaçqan amerikalını qaytaru öçen tırışa

Yul hälakätennän soñ qağılğısızlığın qullanıp üz ilenä qaçqan diplomat xatını mäs'äläse Aq Yortqa barıp citäçäk

1283391
Boris Djonson cinayät' êşläp qaçqan amerikalını qaytaru öçen tırışa

Angliyädä ber yäşüsmerne bärderep ütergän häm qağılsızlığına tayanıp Amerikağa qaçqan diplomat xatını belän bäyle mäs’äläne xökümät räise üz qulına aldı. Boris Djonson, AQŞ diplomatınıñ xatını kire kilmägän oçraqta, bu temanı Aq Yortqa citkeräçägen belderde. Ul qağılğısızlıqnıñ mondıy oçraqlarda qullanıluın döres dip tapmıy.

Djonson, belderü yasap, Anna Sakoolsnıñ kire kilüenä häm xoquqıy proşessta qatnaşuına ömetlänüen äytte.

“Böyekbritaniyädäğe AQŞ ilçesenä äytkän süzem dä bu. Qısqa waqıt êçendä çişeler dip kötäm. Çişä almasaq, älbättä, bu mäs’äläne Aq Yortqa üzem citkeräçäkmen,”-dide xökümät räise.

 Yul hälakäte 27nçe avgustta Nortgemptonşir cirlegendä bulğan ide. Anda 19 yäş’lek Garri Dann qullanuçı motośikl belän Anna Sakoolsñıñ maşinası bäreleşte. Yeget döres yuldan barğan, maşina isä yalğış xäräkät itkän. Garri Dann bu qazada ülde. Poliśiyä diplomat xatını Anna Sakoolsnıñ qağılğısızlığın beterü öçen AQŞnıñ London ilçelegenä möräcäğat’ itte. Ämma soñınnan anıñ ire belän bergä ildän qaçuı açıqlandı.     



Bäyläneşle xäbärlär