Dön'yadağı iñ ağulı gömbä

Avstraliyädä dön’yadağı iñ ağulı häm ülemgä kiterä torğan gömbäne oçrattılar. Ul ğadättä Yaponiyädä häm Koreyada üsä. Belgeçlär “ut märcäne” dip ataluçı älege gömbäneñ Avstraliyädä berençe tapqır kürenüen belderde.  

Djeyms Kuk universitetınnan tikşerenüçelär farazlawınça, gömbäneñ Aziyädän soñ Avstraliyädä oçrawı - törneñ citdi räweştä taraluın kürsätä.

Älege ağulı gömbälärne aşaw tügel, alarğa qağılu da xätär. Ul tirene peşerä häm ülekläwgä kiterä ala. Aşağan oçraqta isä êçke organnar êştän çığa häm baş miye zarar kürä.

Tikşerenü törkemennän Mêtt Barrett äytüençä, bilgele bulğan yözlärçä ağulı gömbä arasında bu - toksinnarı tire aşa ütep kerüçe berdänber tör.

Belgeçlär “ut märcäne”neñ Avstraliyädä barlığın räsemnän kürep añlıy. Tabiğat’ne töşerüçe ber fotorässam anı üze dä añlamıyça kadrğa kertä.  

Tikşerenüçelär gömbä sporalarınıñ meñnärçä yıl êlek cil belän küçerelgän buluın uylıy. Moñarçı oçramawınıñ säbäbe isä Avstraliyäneñ tropik öleşendä gömbä cıyuçılarnıñ bulmawıdır, bälki.