Marsta 100dän artıq tawış yazdırıldı

NASAnıñ Marsqa utırtqan seysmik tikşerü apparatı “İnsayt” qızıl planetada 100dän artıq tawışnı terkägän. Oyışma alarnı keşelär işetä alaçaq xälgä kiterep dön’yağa çığardı.  

Ağentlıqtan yasalğan belderügä qarağanda, İnsayt yazdırğan 100dän artıq tawışnıñ barı tik 21e genä köçle cir teträwnekenä oxşağan, qalğannarı başqa närsälär bulırğa mömkin.

Seysmik tikşerü apparatı Marstağı cilneñ tawışın işetä alırlıq däräcädä sizger. İnsayt Qızıl planetağa noyabr’ ayında töşep utırdı, täwge seysmik cir selkenüen isä aprel’ ayında terkäde.

Ğalimnär Marstağı cir teträwlärne tikşerep, planetanıñ barlıqqa kilü prośessı turında tağın da kübräk mäğ’lümat tuplarğa teli.   

Marsnıñ, geologik yaqtan qarağanda, Cir qadär ük aktiv tügellege häm Ay şikelle tektonik plitäläre bulmawı belderelä.