AQŞta yaña Ğomüm ştab başlığı

Amerika Quşma Ştatlarınıň Ğomüm ştab başlığı, Armiya generalı Djosef Danford Virdjinia ştatındağı Mayer-Xenderson xärbi bazasında oyıştırılğan tantanada wazifasın Ciröste köçläre citäkçese, Armiya generalı Mark Milleyğa tapşırdı.

AQŞ däwlät başlığı Donal’d Tramp tantanada yasağan çığışında AQŞ armiyasen dön’ya tarixınıň iň köçle armiyasenä äyländerülären belderep, Armiya generalı Danford fikerläreneň dä bu uňışta täêsirle buluın äytte.

Tantanada AQŞ viṡe-prezidentı Mayk Pens, däwlät särqätibe Mayk Pompeo belän Saqlanu ministrı Mark Esper dä qatnaştı.

Tramp uzğan yılnıň dekabr’ ayında Milleynı namzät itep kürsätüen Twitterdan citkergän ide.

AQŞnıň 20nçe Ğomüm ştab başlığı bulğan Milley xatın-qızlarnıň da bäreleş töbäklärendä wazifa başqaruına teläktäşlek kürsätüe belän belenä.

AQŞ Senatı iyul’ ayındağı tawışqa quyuda ber tiskäre tawışqa qarşı 89 uňay tawış belän Armiya generalı Milleynı yaňa Ğomüm ştab başlığı itep sayladı.